Teknisk utvikling
Frå eldre til yngre jernalder føregjekk det ei viktig teknologisk utvikling. I denne perioden fekk vi seglskipet, noko som opna for betre kommunikasjon og samferdsle både med utlandet og innan Nordfjord. No fekk skipa kjøl og kunne nyttast både med segl og med årar. Det nye skipet fekk avgjerande innverknad på kommunikasjonsmønsteret i Nordfjord, samt politiske, sosiale og økonomiske tilhøve.
Skipet si rolle blir sterkt understreka av dei mange båtgravene som er funne i Nordfjord.
Kjelder:
Kari Charlotte Larsen, Sagastad. Arkeologisk-historisk presentasjonssenter. Forprosjekt, fagleg utgreiing om innhaldet i senteret.
