Kvite-krist
Gjennom kontakt med kristne riker på dei britiske øyane og på det europeiske kontinentet fekk vikingane etterkvart kjennskap til kristendomen. Norske kongar brakte den nye trua med seg heim att. Biskopar, prestar, trælar og handelsfolk fungerte som misjonærar for Kvite-krist. Etterkvart gjekk mange nordmenn over til den nye trua.Trua på Kvite-krist fekk truleg først innpass i dei sørvestlege delane av Noreg. Dei mange steinkrossane i Sogn og Fjordane tyder på at den kristendomen fekk fotfeste allereie på 900-talet. Langs kysten fekk impulsar utanfrå lettare innpass, men mykje tyder på at den kristne trua var ein sterk faktor også i dei indre bygdene i Nordfjord i denne perioden.
I Nordfjord finst 4 steinkrossar som er sett opp i yngre jernalder/tidleg middelalder. Stadane der desse krossane opphavleg stod fungerte kanskje som bøneplassar og stader for gudsdyrking før det vart reist kyrkjer?
Mangelen på gravfunn i Nordfjord etter omlag 950 kan tyde på at kristendommen var i ferd med å feste seg. Slaget på Stiklestad i 1030, der Olav den heilage vart drepen, var det avgjerande vendepunktet i kampen mellom kristendomen og den gamle heidenske trua i Noreg.
Kjelder:
Bente Magnus, De eldste tider i Gloppen og Breim, i Per Sandal, Soga om Gloppen og Breim, band 1, Frå dei eldste tider til om lag år 1800, 1978, s. 217.
Olaf Sig. Gundersen, "Steinkrossar i Nordfjord i tidleg mellomalder", Jul i Nordfjord 1995.Vikingløypa gjennom Rogaland, brosjyre utgjeve av Rikssamlingsfylket Rogaland og Arkeologisk museum i Stavanger, 1999.
