Steinalderen er perioden frå om lag 10.000 f. Kr. og fram til 1800 f. Kr. Vi deler gjerne perioden inn i eldre steinalder (10.000-4000 f. Kr.) og yngre steinalder (4000-1800 f. Kr.).

I den eldre steinalderen levde menneska av jakt, fangst og fiske. Truleg var menneska nomadar som vandra frå kysten til fjellet alt etter årstidene og tilgongen på mat. Økser, pilespissar, fiskekrokar og skraparar var vanlege reiskap som ein finn på buplassane frå denne perioden.

I den yngre jernalderen begynte menneska så smått med jordbruk og fehald. Dette førte etterkvart til at folk vart meir bufaste, bygde større og betre hus og tok i bruk andre typar reiskap. Nokre menneske slo seg ned i dei gode jordbruksbygdene inne i fjordarmane. Sjølv om jordbruket og fehaldet vart viktigare mot slutten av den yngre steinalderen, var truleg fangst og fiske framleis hovudnæringane.

Viktige spor etter menneska i steinalderen er dei flotte helleristningane som bøndene og jegerane lagde. Ristningane var truleg ledd i ei religionsutøving. På Vingen i Bremanger finst eit storslått helleristningsfelt..